ප්‍රේම

තදබල ඩයලොග් ප්‍රේම දෙකක් හා මොබිටෙල් ප්‍රේම දෙකක් හිතේ ඇමිනී ඇත... අතරින් පතර චූල සම්බන්ධතා නොතිබුනේද නොවේ..ඒවා ගතයුත්තකට නැත. ඒත් මේ සම්බන්ධකම් තදබලය. හිත් කොණක සිට එබී බලයි..එකක් අවසන එකක් ලෙස පැවතුන ඒවාය.. පෙර දිනවල හමු වු තැන් සිහිපත් වෙද්දි යලිඳු හමු වීමට සිතෙයි.වල්බිහිවී ගිය සම්බන්ධතා පාදා ගොඩ ගැනීමට අවශ්‍ය නොවේ.ඔවුන් ඔවුන් ගේ ලෝක වලය.. මම එතැනමය.. ඔවුන් දුටු විට දුක සිතෙන්නේ මා ගැනය.. පුදුමය යනු මේ සිව් ප්‍රේමයම එකිනෙකා හඳුනයි.. ඔවුන් එසේ ප්‍රේම කරන බව දනි.විශ්ව ගම්මාන තුල සම්බන්ධතාද සංකීර්ණ වී ඇත.. ජොබ් එකට ගිය තැන එක ප්‍රේමයකි. කෝච්චියේ යන විට එක ප්‍රේමයකි. ගෙදර ආ පසු තවත් එකකි.. එවන් උන් අතර මා හොඳ යැයි මට සිතේ.. දුක වියදම් කරන්නට බෝතල් මිලදී ගන්නට සිතේ.. දිනෙක එයින්ද වැඩක් නොවන බව දනිමි..